ఉసిరి (The Indian gooseberry) వల్ల కలిగే ప్రయోజనాలు.
ఉసిరి: చలికాలంలో ఎక్కువగా దొరికేది, అనేక ఆయుర్వేద లక్షణాలు, ఔషధ గుణాలు కలిగినదే ఉసిరి. దీనిని ఆరోగ్యం కోసమే కాకుండా, కార్తీకమాస దీపారాధనలో వాడుతారు. రుచికి పుల్లగా, వగరుగా ఉండే ఉసిరి వల్ల కలిగే ప్రయోజనాలు అన్ని ఇన్ని కావు. పోషకాలు : ఉసిరి ఆకుల దగ్గర నుండి బెరడు వరకు అన్ని ఔషధ గుణాలను కలిగి ఉంటుంది. ఉసిరి లో "విటమిన్ సి" ఎక్కువగా ఉంటుంది.దీనిలో కాల్షియం, పాస్పరస్, ఐరన్ ఇంకా ఫైబర్ ఉంటుంది. వీటిలో తక్కువ కాలరీలు ఎక్కువ పోషకాలుంటాయి. ఉసిరి యాంటీ బయోటిక్ లక్షణాలను కలిగి ఉంటుంది. లాభాలు: వాత, పిత్త, కఫ రోగాలను నయం చేయడం లో ఉసిరి పొడిని వాడతారు. తేనెలో నానబెట్టిన ఉసిరిని తీసుకోవడం వాళ్ళ జాండిస్ ను నివారిస్తుంది. లివర్ ఆరోగ్యానికి ఉపకరిస్తుంది. ఆస్తమా వంటి వ్యాధులను అరికడుతుంది. స్త్రీలలో ఋతు సంబంధ సమస్యలు తగ్గుతాయి. పురుషులలో వీర్యం నాణ్యత పెరుగుతుంది. పడుకునే ముందు చెంచా ఉసిరి పొడిని తేనెతో కలిపి తీసుకుంటే గ్యాస్, ఎసిడిటి, మలబద్దకం, పైల్స్ వంటి సమస్యలకు చెక్ పెట్టవచ్చు. వృద్ధాప్య ఛాయలు తొందరగా రాకుండా యవ్వనంగా కనిపించేలా చర్మాన్ని కాంతివంతంగా ఉంచుతుంది.